Во животот слушаме премногу „добронамерни“ совети што ги наметнува околината: како треба да изгледаме, како да се однесуваме, кој треба да ни биде пример…
Секако, имаш право - ТВОЕТО!
Со тебе ги споделуваме размислувањата на Нивес Орешник, кои ги најдовме на нејзиниот профил. Ти препорачуваме да ги прочиташ - веруваме дека ќе се препознаеш на многу места во текстот.
„Месецот на жената завршува, а топлите денови ни носат пролетна атмосфера.
Ние жените сме чудни суштества, сами на себе можеме да си бидеме најголема инспирација или „најголем критичар“. Како и да е, околината наметнува трендови и стандарди кои треба да ги достигнеме - да бидеме „дотерани“, „убави“, „добри мајки“, „успешни“. Денес сакам да го споделам со вас мојот поглед на светот за да ве охрабрам да излезете од магичниот круг:
Нема „грешки“, има само различни искуства и минато, како и вредности и карактери - се појавуваат првите брчки, порано или подоцна наоѓаме бели прамени, во некои периоди сме во нашето најдобро, а во други во нашето најлошо издание.
И нема „грешки“, има само различности кои се одраз на нашите вредности - трендовите за изгледот и идеалите за убавина се менуваат, а тоа што сме секогаш останува исто.
Kрајно време е да кажеме:
„НЕ“ на сите трендови кои се во спротивност со нашето внатрешно битие,
„НЕ“ за филтрите зад кои се криеме затоа што не се осмелуваме да бидеме тоа што сме,
и „НЕ“ за стравот од неприфаќање - не мора баш на сите да им угодуваш.
Важни сме ние самите и оние неколку луѓе кои вредат и стојат покрај нас, кои гледаат на светот со исти очи како нас“.
Текст и фотографии: @nivesoresnik
Нивес носи долна облека од пролетната колекција на Lisca - серијата Posh.