Ноќници

Ноќницата е како фустанче за спиење, кое нежно паѓа преку вашето тело. Обично е украсена со детали, како што се тантела и вез на деколтето или на долниот раб. Исто така, на неа можат да се најдат и декоративни панделки, џепчиња и копченца. Има повисок или понизок изрез на вратот, ракавите можат да бидат долги, кратки или воопшто не мора ни да ги има, додека делот на грбот и прерамките се разликуваат со оглед на годишните времиња и намената. Самата ноќница може да биде долга или кратка.

Кратката ноќница има своја исклучително секси варијанта – бебидол. Разликата меѓу кратка ноќница и бебидол е како меѓу кратко здолниште и мини. Бебидол е многу кратка ноќница, која едвај го покрива задникот, често е исклучително секси со тул, вез или тантела, додека кратката има дoлжина некаде до колена.

ТРИ ИДЕИ ЗА НОСЕЊЕ НОЌНИЦА

1. За спиење

Најчесто ноќницата се носи за спиење. Наменета е за целосно опуштање при ноќен одмор, што може да продолжи и во мрзливо утро со миризливо кафе. Облечете ја кога ќе посакате да се чувствувате лесно.

2. За вечерна романтика

Кратката секси ноќница со заводливи детали е вистински избор за романтична вечер, на која ќе го заведете својот сакан. Под ноќницата облечете привлечна долна облека, а можете и целосно да го изненадите па одоздола да носите само подврска. Заскокоткајте ја неговата фантазија.

3. Како горна облека

Ако наутро сте сосема сигурни дека ноќницата во која синоќа сте спиеле е најудобното парче што некогаш сте го имале и изгледа одлично дури и за излегување надвор, не се ограничувајте. Облечете чевли и излезете. Зошто да си го прекинете феноменалното чувство, кога можете да си го задржите во текот на целиот ден.

Некои ноќници изгледаат токму како дневни фустанчиња и нема причина некој да се посомнева дека вашиот избор за дневна облека е нешто друго, освен тоа. Се разбира, доколку не одлучите да ја откриете својата тајна.