Лисца го започнала својот пат кон препознатливост уште во времето кога саемите за мода биле вистински центар на текстилната индустрија. На белградскиот саем Мода во светот, колекциите на Лисца добивале признанија за квалитет и дизајнерска совршеност – меѓу највисоките била наградата Златна срна, симбол на извонредност во текстилната индустрија на поранешна Југославија.
Лисца редовно учествувала на домашните модни саеми во Љубљана, каде со современ пристап и иновативен дизајн станувала синоним за елеганција и удобност.
Значаен пресврт се случил во 1995 година кога бил обновен целосниот графички идентитет, а компанијата започнала сите свои производи да ги пласира под заштитното име на брендот Лисца. Со ново лого и нова маркетинг-стратегија, Лисца станала обновена, помлада, поубава и поконкурентна. Пред јавноста се претставила преку ТВ рекламата SamoSvoja, со која во 1995 на Словенечкиот фестивал за рекламирање во Порторож ја добила наградата „srebrna situla“, највисокото признание во категоријата мода.
Денес Лисца со гордост ја продолжува традицијата на успеси – со колекции кои пленат на меѓународните саеми во Париз, Москва, Лион, Фиренца, Лондон и други, секаде каде што се среќаваат најголемите производители на долна облека. На овие саеми, експертите повеќепати ги рангираа креациите на Лисца во категоријата значајни носители на модни трендови.
На саемот MarediModa во Кан во 2019, Лисца ја добива престижната награда Creative Excellence Award, која секоја година се доделува на компании или брендови кои се издвојуваат по исклучителна креативност, развој, иновации и квалитет.
Лисца е наградувана како одличен пример за компанија која успешно ја спојува традицијата со современоста, при што посветува големо внимание на изборот на материјали и динамично се адаптира на пазарните промени. Со кампањата #ProudToBeMe, Лисца испраќа инклузивна и важна порака за позитивната самодоверба и моќта на жената.
Меѓународните признанија и награди на модниот пазар се потврда за добро извршена работа, но и предизвик и мотив за идните модни приказни.
Најголемата награда сепак е довербата на жените, кои го живеат својот живот со Лисца – убав, самоуверен и пријатен.
