Модно патување кое трае 70 години. 1955. Мала работилница во Севница. Смели идеи, желба, страст. Соништа. Вредни раце, љубов, придавање важност на секој детаљ. Упорност со децении. Први градници, први успеси, победи и предизвици сé до денес кога гордо славиме и гледаме кон иднината. Заедно.

1955

 Во мала занаетчиска работилница, тим од 5 соработници најпрво изработуваат  вратоврски и поправаат чорапи. Но, набрзо доаѓаат до сознание  дека градниците се ретки и многу барани. Тие го истражуваат пазарот, а сé друго е резултат на имагинација и умешност. Во тие денови градниците се направени од дамаск и брокат и помалку пријатни отколку денес. Со градникот Мајда, Лисца станува препознатлива низ цела Југославија.

1964

Побарувачката за долна облека сé повеќе се зголемува, па понекогаш е тешко да се задоволат потребите на пазарот. Компанијата се шири, а потребното знаење е обезбедено со посебно образование за шивачи, кројачи…. Во 1964 година, Лисца успешно се пробива на германскиот пазар, а набргу потоа започнува со продажба и во други европски земји, Африка, САД и на Арапскиот Полуостров.

1969

Кон крајот на шеесеттите, луѓето сé почесто одат на одмор, затоа  Лисца воведува  програм на костими за капење. Во современите модели се вградени знаењата и искуствата стекнати при дизајнирање на долната облека, а колекцијата не била само удобна, туку и модерна и интересна како за домашните така и за странските клиенти.

1978

Кон крајот на седумдесеттите, се случува уште една револуција - Лисца го претставува градникот со обликувани корпи, што било голема технолошка новина во тоа време. Градниците биле полесни, корпите безрабни и привлечни под тенка горна облека. На фотографиите било препознатливото лице на Лисца, познатата словенечка манекенка Нина Газибара а градникот на сликата  станал хит и во Советскиот Сојуз.

1995

Во 90-тите години, Лисца почнува соработка со голем број признати странски модни брендови, дизајнирајќи и создавајќи долна облека и костими за капење за нив. Но, сé повеќе енергијата ја насочува во етаблирање на сопствениот бренд. Така, во 1995 година, Лисца почнува  да работи како уникатен врвен бренд и формиран е нов севкупен графички идентитет.

2010

Продажното место е огледало на брендот, затоа Лисца стратешки се фокусира на интензивно проширување на продажната мрежа низ цела Европа. Продавниците се опремени во согласност со трговските стандарди на Лисца со што обезбедуваат пријатно чувство при купување. Со логото на  Лисца има повеќе од 130 продавници, а производите на Лисца се присутни и во бројни агли на специјализирани продавници за долна облека.

2018

Лисца сé повеќе активно е вклучена во поттикнување на позитивниот став за себе. Дека сме прекрасни такви какви што сме и дека изгледот не е единственото нешто што нé карактеризира, порачува преку  кампањата „Горди на себе“. Жените со различна градба и големина  помагаат ова општествено одговорно крило да се шири и на модните настани во центрите на Љубљана, Милано, Скопје и Белград.

2025

Lisca го освежи својот целосен визуелен идентитет и претстави нов слоган „Го живеам својот живот“. Тој јасно ја изразува филозофијата и вредностите на брендот – самодоверба, автентичност и вклучување на различноста, кои брендот ги става во преден план. Современата трансформација ја одразува посветеноста кон оснажување на жените – да се чувствуваат удобно и самоуверено во своето тело во секој момент и да го обликуваат својот живот според сопствени правила.